اجمل ماكتب عن الربيع

الربيع

كلمات : مأمون الشناوي

أدي الربيع </A>عاد من تاتي والبدر هلت أنواره
وفين حبيبي اللي رماني من جنة الحب لناره
أيام رضاه يا زماني هاتها وخد عمري
اللي رعيته رماني وفاتني وشغل فكري
كان النسيم غنوة والنيل يغنيها
وميته الحلوة تفضل تعيد فيها
وموجه الهادي كان عوده ولون البدر أوتاره
يناغي الورد وخدوده يناجي الليل وأسراره
وأنغامه بتسكرنا أنا وهو
أنا وهو مافيش غيرنا .. مافيش غيرنا
***
أدي الربيع </A>عاد من تاني والبدر هلت أنواره
وفين حبيبي اللي رماني من جنة الحب لناره
***
لمين بتضحك يا صيف لياليك وأيامك
كان لي في عهدك حبيب آليف عهدني أدامك
وكان لي في قلبه طيف يخطر في أوهامك
من يوم ما فاتني وراح
شدو البلابل نواح
والورد لون الجراح
يا ليلي يــا يـــا يــا يــا عين
***
مر الخريف بعده بدل زهور الغرام
والدنيا من بعده هوان ويأس وآلام
لا القلب بينسى هواه ولا حبيبي بيرحمني
وكل ما قول آه يزيد في ظلمه ويألمني
***
وأدي الشتا يا طول لياليه
على اللي فاته حبيبي يناجي طيفه ويناديه
ويشكي للكون تعذيبه
***
يا ليل يا بدر يا نسمة يا طير يا أغصان
هاتوا لي من الحبيب كلمة تواسي العاشق الحيران
أخد ورد الهوا مني وفات لي شوكه يألمني
ماعرفش أيه ذنبي غير أني في حبي أخلصت من قلبي
وغاب عني لا كلمني ولا قال لي أمتى راح أشوفوه
وأقول يمكن هيرحمني ويبعت في الربيع </A>طيفه
***
آدي الربيع </A>عاد من تاني والبدر هلت أنواره
وفين حبيبي اللي رماني من جنة الحب لناره

الدنيا ربيع

كلمات : صلاح جاهين

الدنيا ربيع و الجو بديع
قفلي على كل المواضيع
قفل قفل قفل قفل
مفيناش كاني مفيناش ماني
كاني ماني ايه
دا الدنيا ربيع
الدنيا ربيع الدنيا ربيع
الشجر الناشف بقا ورور
و الطير بقا لعبي و متهور
واحنا هنفرفش امتى امال
دلوقتي والا في سبتمبر
قالك قالك قالك ايه
قالك اه
قالك قالك قالك ايه
قالك اه
قالك فرفشة اليومي
متأجلهاش للغد
و اللي هنظبته مهموم
راح نزعل منه بجد
الدنيا ربيع و الجو بديع
قفلي على كل المواضيع
قفل قفل قفل قفل
مفيناش كاني مفيناش ماني
كاني ماني ايه دا الدنيا ربيع
الدنيا ربيع الدنيا ربيع
يلا مباراة يلا مسابقة
مين اشطر في الضحكة الرايقة
ابو دم خفيف
طبعاً يكسب
و ابو دم تقيل
طبعاً لأ
الورد مفتح شوفوا شوفوا
بيرقص و يداري كسوفه
واللي يحب النبي ياخوانا
عالواحده يصقف بكفوفه
لالالاه لاه لا لا
لالالا لا ولا لا
قالك قالك قالك ايه
قالك اه
قالك قالك قالك ايه
قالك اه
قالك وصفة بلدية
للصحة و طولة العمر
خد شمس و هوا على ميا
بلا دوا بلا عيا بلامر
والدنيا ربيع و الجو بديع
قفلي على كل المواضيع
قفل قفل قفل قفل
مفيناش كاني مفيناش ماني
كاني ماني ايه دا الدنيا ربيع
الدنيا ربيع الدنيا ربيع

" غنى الربيع </A>"
كلمات : أحمد رامي

غنى الربيع </A>بلسان الطير رد النسيم بين الأغصان
والفجر قال يا صباح الخير يا صحبة الورد النعسان
فرح بروحه الكون نادى وغنى
وكل لحن بلون معنى ومغزى
وأنت يا غايب عن الحبايب ساكت عن القلب الحيران
كلمني، هو اللي فات يتنسى والفكر عايش فيه
طمني، إن كان فؤادك قسي صابر وراضي بيه
المية في الأرض جفت والزهر ع الغصن نادي
والشمس في الغرب راحت وادي الشفق لسه بادي
والطير سكت بعد ما غنى وادي صداه رايح غادي
وأنت يا نور العين صوتك يا روحي فين
ياللي أنت غايب عن الحبايب ما تكلم القلب الحيران
فضلت عايش في الأوهام لما اللي فات شفته تاني
ولما فقت من الأحلام زاد في بعادك حرماني
راح اللي راح من الليالي والوهم راح من خيالي
وأنت يا غايب عن الحبايب ساكت عن القلب الحيران

[/center]

ياااااااااااااااه تسلم ايدك على الموضوع جميل جدا للامام دائما .
[ندعوك للتسجيل في المنتدى أو التعريف بنفسك لمعاينة هذه الصورة]

الفيلسوف كتب:: ياااااااااااااااه تسلم ايدك على الموضوع جميل جدا للامام دائما .
[ندعوك للتسجيل في المنتدى أو التعريف بنفسك لمعاينة هذه الصورة]

تسلم على مرورك العطر الفليسوف شكرا لك

» اجمل صوره لي تامر حسنى